«ԿԵՏ» հիմնադրամը ֆինանսավորել է դպրոցական կրթության որակի բարձրացմանն ուղղված հերթական ծրագիրը։ Արթիկ համայնքի Պեմզաշեն գյուղի միջնակարգ դպրոցը դարձել է երկրորդ կրթական հաստատությունը, որը նվեր է ստացել ինտերակտիվ հեղուկբյուրեղային սմարթ-էկրան։ Այն տեղադրվել է 2025 թվականի մարտի 19-ին։
Գործարկումից հետո ավագ դասարանների աշակերտների համար անցկացվել է դաս։ Դրան հաջորդած աշխույժ քննարկման ընթացքում ուսուցիչները, աշակերտներն ու ծրագրի հեղինակները ներկայացրել են իրենց առաջարկներն ու ցանկությունները ծրագրի հետագա համատեղ աշխատանքի վերաբերյալ։
Ուսումնական գործընթացում նորագույն տեխնոլոգիաների արդյունավետ կիրառման վերաբերյալ մանկավարժների արձագանքները և միջոցառմանը ներկա ծնողների շնորհակալական խոսքերը հաստատում են այս ծրագրի կարևորությունը Պեմզաշենի բնակիչների համար։
